Kanina, Ngayon (Mga Anak sa Bulwagan)

Lyrics – Ted Achacoso

Music – Frankin Kleiner

Arrangement – Ato Jose

Kanina ay nakita ko isang hirap na pulubi
Ang damit niya'y gulanit at ubod ng dungis
Kaawa-awaang nakaupo sa isang tabi
Ang nagisnan na buhay ay hinagpis

Kanina'y nadaanan ko isang munting tahanan
Isa lamang sa marami na nagkumumpulan
Tagpi tagpi na dinding butas na bubong
Mga limot na mortal nakakulong

Refrain:

Mga anak sa bulwagan ng talino at galing
Mabibilis na sandali huwag nating sayangin
Hindi lamang bukas ang alalahanin
Kundi ang ngayon ng bayan natin
Bayan natin

Ngayo’y aking napagtanto kay palad ng pulubi
Na kahit sa dampa lamang siya'y nakakandili
Kaysa usigin ng aking dungis ng budhi
At makulong sa mundo ng guni-guni

Refrain:

Mga anak sa bulwagan ng talino at galing
Mabibilis na sandali huwag nating sayangin
Hindi lamang bukas ang alalahanin
Kundi ang ngayon ng bayan natin

Ang ating buhay sa buhay rin iaalay
Dakilang layunin na di mawawalay
Sa puso't damdamin pagkakaisang wagas
Ang tanging kaluluwa at lakas

Mga anak sa bulwagan ng talino at galing
Mabibilis na sandali huwag nating sayangin
Hindi lamang bukas ang alalahanin
Kundi ang ngayon ng bayan natin
Bayan natin